په ګرمسېرو سیمو کې د تخنیکي او مسلکي زده کړو په مرکزونو کې آزموینه پیل شوه
د ګرمسېرو ولایتونو د تخنیکي آمریتونو مسوولین په دغو ولایتونو کې د خزاني آزموینې د پیل خبر ورکوي.
په همدې موخه د ننګرهار ولایت د تخنیکي او مسلکي چارو آمریت د ۱۴۰۳ کال د دویم سمستر د آزموینې د پیل په مناسبت د دغه ولایت د ارشاد او دعوت ریس په حضور کې مراسم ترسره کړل.
د ننګرهار ولایت د امر بالمعروف او نهی عن المنکر ریس شیخ مولوی محمد زاهد وفا د وینا په ترڅ کې د علم په زده کړه کې یې د محصلینو هڅې وستایلې.
نوموړي زیاته کړه، زده کوونکي باید د اسلامي ارزښتونو او د رسول الله صلی الله علیه وسلم د سیرت مطابق ژوند وکړي.
په ګرمسېرو سیمو کې د تخنیکي او مسلکي زده کړو مرکزونه په اته ولایتونو لکه ننګرهار، فراه، بغلان، کندهار، هلمند، هرات او لغمان ولایت کې شامل دي.
