په کندهار ولایت کې د نویو ګمارل شویو کارکوونکو لپاره د اداري مهارتونو د زده کړې دوام
د تخنیکي او مسلکي زده کړو ادارې د ښوونیزو پروګرامونو په دوام کې دا ځل د کندهار ولايت نوي ګمارل شوي مامورين د یاد ولايت تخنيکي او مسلکي زده کړو د آمریت له لوري روزل کيږي.
په دې روزنيزه دوره کې د ا.ا.ا مجاهدينو لپاره د تخنيکي او مسلکي زده کړو د آمریت له خوا اداري، کمپيوټر او انګليسي ژبې زده کړې ورکول کېږي.
د کندهار د انسانی سرچینو رئيس مفتي مرزا محمد زاهد دغه روزنيز ورکشاپ د ا.ا.ا مجاهدينو لپاره ډېر مهم وباله. او په دغه ولایت کې د نویو ګمارل شویو کارکوونکو د ظرفیتونو لوړولو په برخه کې یې د تخنیکي او مسلکي زده کړو ادارې د هڅو ستاینه وکړه.
همدارنګه مفتي حکيم الله صابر يو تن نوي ګمارل شوي کارکوونکي وويل: "دا روزنيز ورکشاپ د اداري او کمپيوټر د مهارتونو د زده کړې لپاره يو ښه فرصت دى او زه د دې پروګرام په ترسره کولو ډېر خوښ يم."
تر دې وړاندې هم تخنيکي او مسلکي زده کړو ادارې په ولايتونو کې د ا.ا.ا مجاهدينو لپاره روزنيز ورکشاپونه جوړ کړي او دا لړۍ په نورو ولايتونو کې هم دوام لري.
