په کابل کې د بریښنایی تادیاتو دوهم نندارتون جوړول
برښنایی تادیاتو دوهم نندارتون چې د خدای کلام په څو مبارکو ایتونو او کڼو (ناشنوایانو) انسټیټوټ زده کوونکو لخوا د ملی سرود په ویلو سره چی د مالیی وزارت د عوایدو عمومی ریاست یې کوربتوب کاوه جوړ شوی وو.
د تخنیکي او مسلکې زده کړو ادارې، د افغانستان بانک، د افغانستان د سوداګرۍ خونه، د ملي تدارکاتو دفتر، د افغانستان خصوصي بانکونو اتحادیه، د روشن مخابراتي شرکت، اتصالات مخابراتي شرکت او د ام ټی ان مخابراتي شرکتونه پدې نندارتون کې ګډون درلود او جلا جلا غرفو کې نندارې ته وړاندې شول.
د بریښنایی تادیاتو سیستم مشر ښاغلي اجمل بارکزي څرګنده کړه چې د دې نندارتون د جوړولو موخه د برښنایی تادیاتو د اداری تنظیم په اړه د پوهاوي لوړول دي.
د ښکلو هنرونو ( هنر های زیبا) انستیتیوت، چې د تخنیکي او مسلکي زده کړو ادارې په استازیتوب يې په دې نندارتون کې برخه اخیستې وه، د زده کونکو لخوا جوړی شوی نقاشی او لاسي صنایع نندارتون ته وړاندې کړل.
ښاغلي عبدالرازق عمري د دندې فرصتونو آمر او د دې خونې مسؤل کس د دې نندارتون په جوړولو خبرې وکړې او زیاته یې کړه: ځوان نسل ته دې ته ورته نندارتونونو رامنځته کول او د معاصر ټکنالوژۍ ورپیژندل زموږ یو له اصلي موخو څخه دی نو موږ وکولی شو د پوهاوی او زده کونکو عملي کار لپاره مناسب چاپیریال او دوی ته د کار فرصتونه او د کار بازار کې دندې رامنځته کړو.
موږ هڅه کوو چې د تخنیکي او مسلکي زده کړو زده کونکي د نندارتونونو، لاسي صنایعو او هنرونو له لارې خلکو ته ور وپیژنو، ترڅو د دې پیر او پلور ساحه اسانه شي او په پای کې فارغینو ته دندې چمتو شي.
دا نندارتون به د دې کال د مرغومی تر پنځمې پورې د لیدونکو پر مخ خلاص وي.
