په فاریاب ولایت کې د مجاهدینو د تعلیمي سویې مالومو آزموینه واخیستل شوه
په فاریاب ولایت کې د مجاهدینو د تعلیمي سویې مالومولو آزموینه د یاد ولایت د پوهنې رئیس او د نورو سیمه ییزو ادارو د استازو په حضور کې واخیستل شوه.
دفارياب ولايت دپوهنې رييس مولوي سيد حفيظ الله معتصم باالله په دغو مراسمو کې دخبرو په ترڅ کې د دې ازموينې د شفافيت ډاډ ورکړ .
په همدې حال کې د فاریاب ولایت د تخنیکي او مسلکي زده کړو آمر الحاج محمد مجاهد د مجاهدینو د روزنې د طرحې په اړه توضیحات ورکړل.
نوموړي زیاته کړه، د دې طرحې پر بنسټ به د تعلیمي سویې له مالومیدو وروسته مجاهدین د خپلو زده کړو د دوام لپاره د تخنیکي او مسلکي زده کړو په مرکزونو کې شامل شي.
دا په داسې حال کې ده چې د تخار، بدخشان، سرپل، بادغیس، نیمروز، پروان، جوزجان، غزني او غور ولایتونو د تخنیکي زده کړو مرکزونه هم د مجاهدینو لپاره د ادارې او مدیریت د روزنیزو پروګرامونو د پیل شاهدان دي.
