په فاریاب ولایت کې د ا.ا.ا «مجاهدینو» لپاره دوه میاشتنی روزنیزه دوره پیل شو

 د فارياب ولايت تخنيکي او مسلکي زده کړو امریت له خوا دوه مياشتنى روزنيز دوره د افغانستان ا.ا "مجاهدينو" لپاره پيل شوه.

 په دې دوره کې د افغانستان ا.ا «مجاهدینو» ۳۰ تنو ته د ادارې او مدیریت مهارتونه، کمپیوټر او انګلیسي زده کړه ورکول کیږي.

 د فارياب ولایت تخنيکي او مسلکي زده کړو امریت د ښوونيزو څارنې او راپور ورکولو لوی مدیر احمد نواب سلطاني وايي، چې د دغه روزنيزې دورې له جوړېدو څخه يې موخه د افغانستان ا.ا هغو "مجاهدينو" ته د اداري او مديريت مهارتونو زده کړه ده، چې په دې وروستيو کې ملکي خدمتونو په بستونو کې نوی ګمارل شوي دي.

د فارياب ولايت تخنيکي او مسلکي زده کړو امر مولوي غلام ولي همت وايي، دغه امریت هوډ لري چې په راتلونکي کې په نورو برخو کې هم لنډ مهاله روزنيز پروګرامونه په لاره واچوي.

د تخنیکي او مسلکي زده کړو اداره هڅه کوي چې په ټولو ولایتونو کې د افغانستان ا.ا مجاهدینو د ظرفیت لوړونې پروګرامونه جوړ کړي.