په شیخ علی ولسوالۍ کې دمجاهدینو د تعلیمي سویې د تثبیت آزموینه واخیستل شوه
د پروان ولایت د تخنیکي او مسلکي زده کړو آمریت چارواکي د یاد ولایت په شیخ علي ولسوالۍ کې د مجاهدینو لپاره د تعلیمي سویې د تثبیت آزموینې د پیل خبر ورکوي.
د پروان ولايت تخنيکي آمر وايي، چې د تعليمي سویې د تثبیت وروسته به مجاهدين د زده کړو لپاره د تخنيکي او مسلکي زده کړو په مرکزونو کې شامل شي.
دا په داسې حال کې ده، چې له دې وړاندې هم د پروان ولایت د تخنیکي زده کړو مرکزونه د مجاهدینو لپاره د ښوونیزو ټولګیو د پیل شاهدان وو، چې په نوموړو ټولګیو کې د ادارې او مدیریت پروګرامونه تدریس کېږي.
د مجاهدینو د روزنیزې طرحې پر بنسټ چې د تخنیکي او مسلکي زده کړو ادارې لخوا چمتو شوی او د ریاست الوزرا د مقام لخوا منظور شوی؛ مجاهدين په ټول هېواد کې د تعليمي سویې له تثبیت وروسته د تخنيکي او مسلکي زده کړو په مرکزونو کې د زده کړو په موخه شاملېږي.
