په روزنیز ورکشاپ کې د تخنیکي او مسلکي زده کړو ادارې د کارمندانو ګډون
د تخنیکي او مسلکي زده کړو ادارې د کارکوونکو چارو ریاست د ددې ادارې ۸ تنه د مرکزي هستې کارکوونکي د هغوی د ظرفیت او پوهې کچې لوړولو په موخه د ملکي خدماتو انسټیټوټ، ۶ ورځني ورکشاپ ته معرفي کړل.
نوموړي به په دې پروګرام کې د ملکي خدماتو انسټييوټ د ترینرانو لخوا د نامه نګاري او د اداري سلسله مراتبو په شمول د اداري مراسلاتو «اداري لیکونو» په اړه روزنه ترلاسه کړي.
د تخنیکي او مسلکي زده کړو ادارې د کارکوونکو چارو ریاست مسؤلین وايي چې د دې پروګرام د ترسره کولو موخه د کارمندانو ظرفیت لوړول او په غوره توګه د اداري چارو ترسره کیدل دي.
دا په داسې حال کې ده چې د تخنیکي او مسلکي زده کړو ادارې د کارکوونکو چارو ریاست تل هڅه کوي چې ددې ادارېد کارمندانو د مهارتونو د پراختیا لپاره په راتلونکي کې په دوامداره توګه ورته پروګرامونه ترسره کړي.
