میدان وردګو ولایت اړوند د چک کثیرالرشتوي انسټيټوټ فراغت غونډه جوړه شوه
د میدان وردګو ولایت اړوند چک کثیرالرشتوي انسټيټوټ، د یاد ښوونیز مرکز د تعمیراتو او برښنا څانګو څخه د یو شمیر محصلینو د فراغت په مناسبت، مراسم ترسره کړل.
په دې مراسمو کې یو شمېر سیمه ییزو چارواکو، قومي مشرانو، متنفذینو او د محصلینو والدینو ګډون درلود.
د تخنيکي او مسلکي زده کړو ادارې د اطلاعاتو او ارباطاتو آمر په دې مراسمو کې د تخنيکي او مسلکي زده کړو ادارې د موخو او لاسته راړنو په اړه خبرې وکړې.
نورو ويناوالو هم د هېواد په پرمختګ کې د تخنيکي او مسلکي زده کړو پر اهميت او ارزښت بحث وکړ او له ځوانانو يې وغوښتل چې د هېواد په پرمختګ کې خپل مسووليت ادا کړي.
یاده غونډه فارغ شویو محصلینو ته د ستاینلیکونو په ورکولو او د دعایې په ویلو سره پای ته ورسیده.
