د کاپیسا ولایت «حصه اول کوهستان » کرنې او وترنرۍ انسټيټوټ د لمریزې برښنا څخه برخمن شو
په کاپیسا ولایت کې د تخنیکي او مسلکي زده کړو ادارې مسؤلین وايي چې د ياد ولایت په «حصه اول کوهستان » کرنې او وترنرۍ انسټيټوټ کې یې سولر سیسټم نصب او له لمریزې برښنا برخمن شوی دی.
د یادونې وړ ده چې دا اقدام د تخنیکي او مسلکي زده کړو ادارې لخوا په یاد ښوونیز مرکز کې د غوره تعلیمي فرصتونو د برابرولو او د اداري چارو د ښه والي په موخه ترسره شوی.
د کاپیسا ولایت د تخنیکي او مسلکي زده کړو آمریت په وینا، د سولر سیسټم له نصبولو سره په دې ښوونیز مرکز کې د بریښنا نشتوالي او دغه راز د اداري او تعلیمي چارو په برخه کې تر ډيره تشې او ستونزې حل شوي دي.
