د کاپیسا د کرنې او وترنرۍ انسټيټيوټ د محصلینو د عملي زده کړو بهیر
د کاپیسا ولایت د کرنې او وترنرۍ انسټیټیوټ د وترنرۍ څانګې محصلینو ته په دغه ولایت کې د حیوانی درملنې یو مرکز ته د یو علمی سفر په ترڅ کې د حیواني ناروغیو په اړه روزنه ورکړل شوه.
له بلې خوا د حیواني کلینیک مسؤل او لارښود استاد محصلینو ته د څارویو د ناروغیو د تشخیص او په څارویو کې د سیروم د تطبیق د څرنګوالي په اړه توضیحات ورکړل.
د تخنیکي او مسلکي زده کړو په مرکزونو کې ډیری زده کړې عملي دي او د دې مرکزونو فارغان په مستقیم ډول د کار بازار ته جذبیږي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
