د کار بازار ته د ننوتلو لپاره د چمتووالي په موخه د تخنیکي او مسلکي زده کړو مرکزونو د محصلینو د علمي سفرونو دوام
د خوست ولایت مرکز کثیرالرشتوي انسټیټوټ د ادارې او سوداګرۍ څانګې محصلینو د بیلابیلو دولتي ادارو څخه د لیدنې په موخه د علمي سفرونو په دوام کې د یاد ولایت اقتصاد ریاست ته سفر وکړ.
د دې علمي سفر په ترڅ کې، نوموړو د لارښود استاد ترڅارنې لاندې د کاري میکانیزمونو او د اقتصادي ادارو د تشکیلاتو په شمول د بېلابیلو سوداګریزو موضوعاتو په اړه په عملي بڼه روزنه ترلاسه کړه.
په ورته وخت کې، محصلینو هم د نوموړو لپاره د علمي سفرونو پلاره اچولو څخه خوښي څرګنده کړه، او زیاته یې کړه چې دا فعالیتونه کولی شي هغوی په مستقیم ډول د کار بازار ته د ننوتلو لپاره چمتو کړي.
دا په داسې حال کې ده چې د تخنیکي او مسلکي زده کړو ادارې رهبرۍ تل هڅه کوي چې د مسلکي او معیاري زدهکړو په وړاندې کولو سره په مستقیم ډول د کار بازار ته د ننوتلو لپاره د تخنیکي او مسلکي زده کړو مرکزونو فارغانو ته زمینه برابره کړي.
