د کابل تخنیکي او مسلکي زده کړو آمریت او چهاراسیاب سیمه ییزو مسوولینو ترمنځ ناسته ترسره شوه
د کابل ولایت د تخنیکي او مسلکي زده کړو آمریت مسوولینو د یاد ولایت چهاراسیاب ولسوالۍ له سیمه ییزو چارواکو سره وکتل.
په دې ناسته کې دواړو لورو د محصلینو لپاره د عملي کارونو زمینې د برابرولو په ګډون پر بېلابېلو موضوعاتو خبرې وکړې.
دغه راز د کابل ولایت تخنیکي او مسلکي آمر د چهاراسیاب انسټیټوټ یو شمېر ستونزې او ننګونې هم د یاد ولایت له سیمه ییزو مقاماتو سره شریکې کړې.
په همدې حال کې د چهاراسیاب ولسوالۍ سیمه ییزو مقاماتو د کابل ولایت تخنیکي او مسلکي آمریت سره د هر اړخیزې همکاریو ژمنه وکړه.
