د چک ولسوالۍ کثیرالرشتوي انسټیټوټ د بیارغونې چارې پای ته ورسېدې
د میدان وردګ ولایت، چک ولسوالۍ کثیرالرشتوي انسټیټوټ چې د جګړو له امله ویجاړ شوی و، د بیا رغونې چارې یې پای ته ورسېدې.
د میدان وردګو ولایت د تخنیکي آمر ښاغلي حکمت الله حکمت په وینا د چک د کثیرالرشتوي انسټیټوټ ۸۰۰ مترمربع بام ترمیم او ایزوګام کړل شوی دی.
همدارنګه د زده کړې د دغه مرکز صنفونو ته د بخاریو دودکش هم نصب شوي دي.
له دې وړاندې د تخنیکي او مسلکي زده کړو ادارې سرپرست له دغه مرکز څخه د لیدلو په وخت کې مسؤلینو ته لارښوونه کړې وه چې د چک کثیرالرشتوي انسټیټوټ بېلابېلې برخې جوړې او ترمیم کړي.
