د پلان او استراتیژیکو همغږیو ریاست د «مرسي کورپ» موسسې له مسوولینو سره ناسته وکړه
د تخنیکي او مسلکي زده کړو ملي ادارې د پلان او ستراتیژیکو همغږیو ریاست مسوولینو د «مرسي کورپ» موسسې له استازو سره د یوې ناستې په ترڅ کې وکتل.
په یادې لیدنه کې دواړو لورو په هېواد کې د حرفوي پروګرامونو د جوړولو په برخه کې د ګډو همکاریو په اړه خبرې وکړې.
همداراز د «مرسي کورپ» موسسه د تخنیکي او مسلکي زده کړو ادارې سره د تفاهم لیک پر بنسټ په کابل، هرات او پروان ولایتونو کې د حرفوي زده کړو په برخه کې د پانګونې ژمنه هم وکړه.
دغونډې په پای کې دواړو لورو د ګډې تفاهم لیک موادو د چمتو کولو او نهايي کولو په میکانیزم باندې موافقه وکړه.
