د ولایاتو د تخنیکي او مسلکي زده کړو له آمرینو سره انلاین ناسته ترسره شوه
د تخنيکي او مسلکي زده کړو ادارې مالي او اداري چارو معاونیت د یوې آنلاین غونډې په ترڅ کې د ولایاتو د تخنیکی او مسلکی زده کړو له آمرینو سره ناسته ترسره کړه.
په دې ناسته کې د تخنیکي او مسلکي زده کړو ادارې د خدماتو او املاکو رئیس محترم عبدالمطلب انصار هم حضور درلود.
نوموړو په دې ناسته کې د ولایاتو د تخنیکي او مسلکي زده کړو مرکزونو د املاکو، املاکو ساتنې او ثبت او همداراز د اجناسو د ثبت پر څرنګوالي خبرې وکړې.
په همدې حال کې د املاکو او خدماتو ریاست مسولینو د تخنیکي او مسلکي زده کړو مرکزونو د جایدادونو او ملکیتونو د ثبت او ساتنې د څرنګوالي په اړه د ولایتونو د تخنیکي او مسلکي زده کړو مسوولینو لپاره پریزنټیشن هم وړاندې کړ.
له بلې خوا د تخنيکي او مسلکي زده کړو ادارې مالي او اداري مرستيال محترم مفتي فضل الرحمن فاضل د يو شمېر موضوعاتو په اړه د ولايتونو د تخنیکي او مسلکي زده کړو مسوولينو ته لازمې هدایات هم ورکړل.
په دې غونډه کې په نورو اړوندو مسایلو هم خبرې وشوې او غونډه د دعایې په ویلو سره پای ته ورسیده.
