د هلمند ولایت د مرکز اړوند د کرنې انسټيټوټ له وضعیت څخه څارنه وشوه
د تخنیکي او مسلکي زده کړو ادارې د تخنیکي او مسلکي چارو مرستیال مولوي غلام سعید احساس په مشرۍ د یادې ادارې پلاوي د هلمند ولایت د تخنیکي او مسلکي زده کړو له مرکزونو څخه د لیدنو په دوام او د یاد ولایت د مرکز اړوند د کرنې او وترنرۍ انسټيټوټ د محصلینو د زده کړو له وضعیت څخه لیدنه وکړه.
دغه پلاوي د هلمند د کرنې انسټيټوټ ستونزې او ننګونې له نېږدې څخه واورېدې او د ستونزو د هواري او حل په برخه کې يې د همکارۍ ژمنه وکړه.
په همدې حال کې د تخنیکي او مسلکي زده کړو ادارې د ارشاد او دعوت رئیس له محصلینو او کارکوونکو سره وکتل او هغوی ته یې د اسلام د سپیڅلي دین او د اسلامي شریعت له نظره د ژوند کولو د څرنګوالي په اړه معلومات ورکړل.
د اشاد او دعوت رئیس له محصلینو او کارکوونکو وغوښتل چې په خپلو ټولو چارو کې د اسلامي شریعت اصول مراعات کړي.
دا په داسې حال کې ده چې دغه پلاوي تر دې وړاندې دایکندي، فراه، غور او نیمروز ولایت په ګډون د بېلابېلو ولایتونو د تخنیکي او مسلکي زده کړو د مرکزونو له وضعیت څخه څارنه کړې ده.
