د هلمند ولایت اړوند مرکز میخانیکي لیسې د زده کوونکو فراغت غونډه ترسره شوه
د هلمند ولايت د مرکز اړوند میخانیکی لیسې څخه د یو شمیر زده کوونکو د فراغت په مناسبت د یاد ښوونیز مرکز لخوا، فراغت غونډه ترسره شوه.
په دې مراسمو کې د هلمند د تخنیکي او مسلکي زده کړو آمریت مسوولینو، سیمه ییزو چارواکو، قومي مشرانو او د فارغو شویو زده کوونکو د کورنیو غړو هم برخه اخیستې وه.
په دې غونډه کې ويناوالو د عصري علومو په ځانګړې توګه د تخنيکي او مسلکي زده کړو په ارزښت چې د بېوزلۍ د له منځه وړلو او د مسلک د رامنځته کولو بنسټ ګڼل کېږي، خبرې وکړې. نوموړو دغه راز ځوانان وهڅول چې په خپلو اړوندو څانګو کې زده کړو ته دوام ورکړي.
دغه راز په دوام کې، نوموړو له ځوانانو وغوښتل، چې د هېواد د ابادۍ او پرمختګ په برخه کې خپله ونډه په پوره هوډ سره ترسره کړي.
د غونډې په پای کې زده کوونکو ته ستاینلیکونه ورکړل شول او مراسم په دعایې سره پای ته ورسیدل.
