د نیمروز ولایت کرنې انسټیټوټ د ۲۱ تنو زده کړیالانو د فراغت مراسم ترسره شول
د نیمروز ولایت د کرنې انسټیټوټ د ۲۱ تنو زده کړیالانو د فراغت مراسم د دغه ولایت د سیمه ییزو چارواکو په ګډون ترسره شول.
په دې مراسمو کې د کمال خان بند په اړه د کرنې د انسټیټوټ زده کړیالانو د څېړنو پایلې هم وړاندې شوې.
د نيمروز ولایت تخنيکي او مسلکي امر عبدالهادي بيدار وايي، د کمال خان بند، ننګونې، ګواښونه او فرصتونه تر عنوان لاندې دغه څېړنه په اتو مياشتو کې ترسره شوې ده.
د نيمروز ولايت د پوهنې رييس يارمحمد حقيار چې په دې مراسمو کې يې ګډون کړى و، د ماهر او مسلکي ځواک شتون د هېواد يوه بیړنې اړتيا وبلله.
د مراسمو په پای کې یو شمېر ممتازو زده کړیالانو ته تحسین نامې او نورو ټولو فارغانو ته ستاینلیکونه ورکړل شول.
