د نيمروز تخنيکي او مسلکي زده کړو امر د دغه ولايت د پوهنې له رئيس سره وکتل
د نيمروز ولايت تخنيکي او مسلکي زده کړو امر عبدالهادي بيدار د دغه ولايت پوهنې له رئيس مولوي يارمحمد حقيار سره وکتل او خبرې اترې يې وکړې.
په دې ناسته کې ښاغلي بیدار د تخنیکي او مسلکي زده کړو د موخو، جوړښت او بنسټونو په اړه معلومات ورکړل.
د نيمروز پوهنې رئيس د تخنيکي او مسلکي زده کړو د موخو هرکلى وکړ او ويې ويل:«موږ بايد د ديني مدرسو او عصري ښوونځيو ترمنځ د ګډ فکر او یو بل منلو لپاره هڅې وکړو».
مولوي يارمحمد حقيار ژمنه وکړه، چې پوهنې رياست د تخنيکي او مسلکي زده کړو په برخه کې له ټولو اسانتياوو سره مرسته کوي او د زده کوونکو د جذب په برخه کې هر ډول همکارۍ ته چمتو دى.
د نيمروز پوهنې رييس زياته کړه، چې د تخصصي او ماهر ځواک شتون د ټولنې يوه عاجل اړتيا ده.
