د ننګرهار ولایت تخنیکي زدهکړو آمریت لخوا د راډیويي څپو (FM) دستګاه جوړول
د ننګرهار ولایت تخنیکي او مسلکي زدهکړو آمریت مسؤلین وایي، چې دا مهال د تخنیکي او مسلکي زدهکړو مرکزونو د نوښت په برخه کې یو شمېر پروژې د استادانو تر څار لاندې د زدهکوونکو لخوا پرې کار جریان لري.
په دې لړ کې د افاېم (FM) راډیو د څپو دستګاه ده، چې د ننګرهار ولایت د هسکي مېنې کثیرالرشتوي انسټیټیوټ کې ډیزاین او جوړه شوې ده.
هغه زدهکوونکی چې دا راډیويي دستګاه یې جوړه کړې، وایي چې دا مهال د یوې محدودې جغرافیایي سیمې د پوښښ وړتیا لري او کوښښ کوي چې لا پرې ډېر کار وکړي.
دا په داسې حال کې ده، چې د تخنیکي او مسلکي زدهکړو ادارې د نوښت مرکز تل په هېواد کې د نوښتګرو کسانو پر ملاتړ ټینګار کوي، او تر اوسه لسګونه پروژې په دې مرکز کې تر پروسس لاندې نیول شوې دي.
