د ننګرهار ادارې او حسابدارۍ په انسټیټوټ کې د کتابتون پرانیستل
د ننګرهار ولایت، ادارې او حسابدارۍ په انسټیټوټ کې یو کتابتون د یوشمېر ځوانانو او کلتوري کسانو په حضور کې پرانیستل شو.
په دغه کتابتون کې ۶۰۰ ټوکه کتابونه، د بېلابېلو برخو لکه اقتصاد، دیني علوم او داسې نور، زده کوونکو او زده کړیالانو ته په لاس رسي کې ورکړل شول.
ښاغلی فضل باري نصرت، د ننګرهار ولایت تخنیکي آمر د یاد کتابتون په پرانیست غونډه کې له ځوانانو وغوښتل چې په دغه ولایت کې د کتاب ویلو کلتور ته پراختیا ورکړي.
په همدې حال کې، د ادارې او حسابدارۍ انسټیټوت زده کړیالانو، د زده کړې په یاد مرکز کې د کتابتون پرانیستلو قدرداني وکړه، او له مسؤلینو څخه د زیاتې پاملرنې غوښتونکي شول.
د تخنیکي او مسلکي زده کړو ادارې مشرتابه همېشه هلې ځلې کوي، ترڅو زده کوونکو ته د تخنیکي او مسلکي زده کړو په مرکزونو کې د عملي او نظري زده کړو زمینه برابره کړي.
