د میدان وردګو ولایت مرکز بهسود کثیرالرشتوي انسټيټوټ د زده کوونکو لخوا د عملي روزنو زده کړه
د میدان وردګو ولایت مرکز بهسود کثیرالرشتوي انسټیټوټ د دولسم ټولګي زده کونکو ته د یوې درسي جلسې په ترڅ کې د کانکریټ اچولو په اړه عملي روزنه وکړل شوه.
په دې درسي جلسه کې ، زده کونکو د استاد تر څارنې لاندې او د کانکریټ په برخه کې د ګډو فعالیتونو په ترسره کولو سره د کانکریټ اچولو معیاري او استندرده طریقه زده کړه.
همدارنګه، په دوام کې لارښود استاد نوموړو ته د کانکریټ د اجزاو په اړه لکه شګه، جغل، سمنټ او مخلوط کولو په برخه کې مفصل توضیحات وړاندې کړل.
د عملي زده کړو اهمیت ته په پام سره، ۶۰ سلنه زده کړې په تخنیکي او مسلکي زده کړو مرکزونو کې په عملي ډول وړاندې کېږي، دغه زده کړې د زده کونکو د حرفوي مهارتونو په ښه کولو کې مهم او ارزښتناک رول لوبوي.
په ورته وخت کې، د تخنیکي او مسلکي زده کړو ادارې مشرتابه تل هڅه کوي چې د تخنیکي او مسلکي زده کړو په مرکزونو کې د عملي زده کړې پروسه لا زیاته پیاوړې کړي.
