د میدان وردګو ولایت اړوند سیداآباد ولسوالۍ کثیرالرشتوي انسټیټوټ محصلینو د سید آباد سب اسټیشن څخه لیدنه وکړه
د میدان وردګو ولایت اړوند د سیداآباد ولسوالۍ کثیرالرشتوي انسټیټوټ د برق څانګې محصلینو د یادې ولسوالۍ د برق سب اسټیشن ته د یو علمی سفر په ترڅ کې د برقي ترانسفارمرونو په اړه روزنه ترلاسه کړه.
لارښود استاد د دې علمي سفر په جریان کې، محصلینو ته د سب اسټیشن تجهیزاتو او ترانسفارمرونو په اړه مفصل توضیحات وړاندې کړل او د نوموړو پوښتنو ته یې هم ځوابونه ورکړل.
د عملي روزنو زده کړه محصلینو سره مرسته کوي چې هغوی مطالب په ژوره توګه او علمي مفاهیم په ډیر کاربردي او عملي ډول درک کړي.
له همدې امله، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ پیاوړې کړي.
