د مجاهدینو د زده کړو د طرحې جزئیات وړاندې شول
د مجاهدینو د زده کړو جزئیات، چې د تخنیکي او مسلکي زده کړو ادارې له لوري جوړه شوې ده، د حکومت د اطلاعاتو او رسنیو په مرکز کې وړاندې شول.
ښاغلي مولوي غلام حیدر شهامت، د تخنیکي او مسلکي زده کړو سرپرست رئیس د مجاهدینو د زده کړو د طرحې جزئیات بیان کړل. نوموړي وویل « د جهاد په دوره کې د نوموړي یوه هیله، د مجاهدینو زده کړه وه، خوشحاله دی چې دغه هیله یې پوره شوه.»
همدارنګه د تخنیکي او مسلکي زده کړو ادارې سرپرست زیاته کړه د مجاهدینو د زده کړو د طرحې پر بنسټ، هغوی د لېسې او انستیتوت د دورو زده کړې ویني.
همدارنګه ښاغلي مولوي صاحب شهامت بیان کړه چې ددغې طرحې په پلي کولو سره به په ادارو کې مدیریتي او تخصصي ستونزې له منځه لاړې شي.
د تخنیکي او مسلکي زده کړو ادارې سرپرست زیاته کړه، د مجاهدینو د طرحې پربنسټ، د هغوی د زده کړې هره دوره، یونیم کال په پام کې نیول شوې ده.
د دغه کنفرانس په ادامه کې استاد عبدالهادي مجاهد، د تخنیکي او مسلکي زده کړو ادارې تخنیکي مشاور خبرې وکړې. هغه وویل چې « د مجاهدینو د زده کړو د طرحې له برابرول او پلي کول څخه موخه، د هغه مجاهدینو څخه ملاتړ کول دي چې له درسونو پاتې شوي دي.»
همدارنګه استاد مجاهد له یرغل وروسته د هېواد دچارو د مدېریت په هکله وویل چې مجاهدین د مدیریت په برخه کې ښه مهارتونه او توانایۍ لري.
همدارنګه نوموري بیان کړه چې د مجاهدینو د زده کړې لپاره ځانګړی نصاب برابر شوی دی، او هغوی به د زده کړو په دورو کې د ادارې او مدیریت بېلابېل مهارتونه ترلاسه کړي.
د طرحې د وړاندې کولو په پای کې د رسنیو پوښتنو ته هم ځواب ورکړ شو.
