د مالی او ادارې چارو مرستیال ولایتونو له تخنیکي او مسلکي امرینو سره غونډه ترسره شوه
د تخنیکي او مسلکي زده کړو ادارې مالي او اداري چارو مرستیال مفتي فضل الرحمن فاضل په دې ناسته کې ولایتونو له تخنیکي امرینو سره بودجې د لګولو څرنګوالي په اړه خبرې وکړې.
ښاغلی فاضل د غونډې په پیل کې چې په مجازی ډول جوړه شوې وه، وویل چې د دې غونډې له جوړیدو یې موخه د بودجې د مصرف د بهیر او په دې بهیر کې د شته ستونزو څیړل دي. هغه ټینګار وکړ، چې بودجه باید په سمه او پر وخت ولګول شي.
د مالي او ادارې چارو مرستيال ولايتونو له تخنيکي او مسلکي امرینو څخه وغوښتل چې خپله همغږي له سيمه ييزو چارواکو سره زياتې او د سيمه یيزو ادارو په اداري غونډو کې ګډون وکړي.
په دې ناسته کې د تخنيکي او مسلکي زده کړو ادارې زده کوونکو او زده کړیالانو چارو رئيس سيد عباس ايوبي ددغه ادارې له ولایتی امرینو څخه وغوښتل چې زده کوونکو لپاره بدل اعاشی ورکولو په برخه کې شته ستونزې له ده سره شريکې کړي څو ورته د حل لارې چارې ولټول شي.
په دې ناسته کې ولایتی امرینو د ولایتونو تخنیکي او مسلکي امریتونو بودجې د لګولو په اړه خبرې وکړې او خپلې ستونزې یې له مالي او اداري چارو مرستیال سره شریکې کړې.
