د مالي او اداري چارو مرستیال د بغلان له والي سره ناسته ترسره کړه
د تخنيکي او مسلکي زده کړو ملي ادارې مالي او اداري مرستيال مفتي فضل الرحمن فاضل د ولايتي سفرونو په دوام بغلان ولایت ته سفر وکړ.
نوموړي په یاد ولایت کې د بغلان له والي او ددې ولایت د علماوو شورا له رئیس سره وکتل.
په دې کتنه کې مفتي فاضل د تخنيکي او مسلکي زده کړو د مرکزونو ستونزې او ننګونې د بغلان له سيمه ييزو مسوولينو سره شريکې کړې.
په همدې حال کې دبغلان والي مولوي عبدالرحمن حقاني ژمنه وکړه چې ددغه ولايت دتخنيکي او مسلکي زده کړو د مرکزونو ټولو ستونزو او ننګونو ته به رسیدګي وشي.
