د فراه بالابلوک ولسوالۍ د کرنې مسلکي انسټيټوټ زده کوونکو ته د کرنیزو محصولاتو په اړه روزنه ورکړل شوه
د فراه ولایت اړوند بالابلوک ولسوالۍ کرنې مسلکي انسټيټوټ زده کوونکو ته د تخنیکي او مسلکي زده کړو مرکزونو د عملي زده کړو په چوکاټ کې د « کرنیزو محصولاتو» په هکله په عملي بڼه روزنه ورکړل شوه.
استاد در درس په ترڅ کې زده کوونکو ته د « بېلابیلو کرنیزو محصولاتو لکه جوارو او غنمو د راټولولو د څرنګوالي» په اړه په مفصله توګه توضیحات وړاندې کړل او د نوموړو پوښتنو او سوالونو ته یې ځوابونه هم وویل.
د تخنیکي او مسلکي زده کړو په مرکزونو کې د زده کړو لویه برخه عملي ده، څرنګه چې د تخنیکي او مسلکي زده کړو مرکزونو فارغان له فراغت وروسته په مستقیم ډول د کار بازار ته جذبیږي.
له همدې امله د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ ته لا پیاوړتیا ور په برخه کړي.
