د فاریاب په قرمقول ولسوالۍ کې د تخنیکي او مسلکي زده کړو د مرکزونو د ملاتړ شورا میاشتنۍ غونډه ترسره شوه
د فاریاب ولایت قرمقول ولسوالۍ تخنیکي او مسلکي زده کړو مرکزونو څخه د ملاتړ شورا میاشتنۍ غونډه د یادې ولسوالۍ د کثیرالرشتوي لېسې په اداره کې جوړه شوه.
په یاده غونډه کې د زده کوونکو د درسي وخت بدلون، د لېسې اداري او تدریسي چارو د پرمخ بیولو لپاره د مناسب ځای پر ټاکلو، په ټولنه کې د تخنیکي او مسلکي زده کړو اهمیت په اړه د پوهاوي پر لوړولو خبرې وشوې.
په دې کتنه کې د قرمقول کثیرالرستوی لېسې مدیر احسان الله محب اوګمي د قرمقول ولسوالۍ د ملاتړ شورا او پوهنې آمریت د هراړخیزو مرستو او همکاریو قدرداني وکړه.
د غونډې ګډونوالو د اجنډا او د تخنیکي او مسلکي زده کړو د مرکزونو وضعیت د ښه والي په اړه خپل وړاندیزونه او نظریات څرګند کړل.
