د غزني ولایت د کرنې او وترنرۍ انسټيټوټ د فوټسال سیالیو ټورنمنټ پای ته ورسېد
د غزني ولایت د تخنيکي او مسلکي انسټيټوټ د فوټسال سيالیو ټورنمنټ چې د یاد انسټيټوټ د محصلينو ترمنځ په لاره اچول شوې و، د يو لړ مراسمو په ترڅ کې پای ته ورسېد.
د دې ټورنمنټ د اختتامیه يه مراسمو کې ویناوالو د ورزش په برخه کې د ځوانانو هڅې وستایلې او له هغوی یې وغوښتل چې د ورزش ترڅنګ خپلو زده کړو ته هم ژمن پاتې شي، تر څو د هېواد په پرمختګ کې لا زیاتې بریاوې ترلاسه کړي.
د مراسمو په پای کې د غزني ولایت د تخنیکي او مسلکي انسټيټوټ د آمریت لخوا د ټورنمنټ غوره زده کوونکو او غوره لوبغاړو ته جایزې او ډالۍ هم ورکړل شوې.
له بلې خوا محصلینو هم د تخنیکي او مسلکي زده کړو آمریت له مسوولینو څخه د مناسب تعلیمي چاپېریال د رامنځته کولو له امله خوښي څرګنده کړه او د نوموړو څخه یې ستاینه وکړه.
