د تخنیکي او مسلکي زده کړو اداٰرې پلاوي د کندهار ولایت د ډنډ تخنیکي لېسې څخه لیدنه وکړه
د ښاغلي مولوي غلام سعید احساس په مشرۍ د تخنیکي او مسلکي زده کړو ادارې څخه یو پلاوي کندهار ولایت ته د خپل سفر په دوام د یاد ولایت د ډنډ ولسوالۍ تخنیکي لېسې وضعیت وڅیړه.
دغه پلاوي د کندهار ولايت د ډنډ ولسوالۍ د تخنيکي لېسې له ستونزو او ننګونو څخه له نېږدې څخه ليدنه وکړه او ژمنه یې وکړه چې د یاد مرکز ستونزو او ننګونو ته به رسیدګي وشي.
همدارنګه یاد پلاوي د دغه مرکز له مسوولینو هم وغوښتل، تر څو زده کوونکو ته د عملي زده کړو د وړاندې کولو په برخه کې لا زیاتې هڅې وکړي.
د يادونې وړ ده، چې دغه پلاوي تر دې وړاندې د کندهار ولايت د پنجوايي ولسوالۍ د سوداګرۍ لېسې، د ژری ولسوالۍ اړوند کثيرالرشتوي انسټيټوټ او همدارنګه د دغه ولایت د مرکز اړوند سوداګرۍ لیسې څخه هم ليدنه کړې ده.
