د تخنیکي او مسلکي زده کړو ادارې یو پلاوي د کندهار مرکز اړوند د سوداګرۍ لیسې له وضعیت څخه څارنه وکړه
د تخنيکي او مسلکي زده کړو ادارې د تخنیکي او مسلکي چارو مرستيال مولوي غلام سعيد احساس په مشرۍ د یادې ادارې يوه پلاوي د کندهار ولايت د تخنیکي او مسلکي زده کړو مرکزونو څخه د لیدنې په ترڅ کې د یاد ولایت د مرکز اړوند د سوداګرۍ لېسې له وضعیت څخه ليدنه وکړه.
په دې کتنه کې نونموړي پلاوي د یاد شوي مرکز ټول تعلیمي او تحصیلي اسناد وڅېړل او د مرکز اړوند ستونزې او ننګونې یې له نېږدې څخه واورېدې.
ولایتونو ته د دغه پلاوي د سفر اساسي موخه د تخنیکي او مسلکي زده کړو مرکزونو، ستونزو او ننګونو ته رسیدګي ده.
دا په داسې حال کې ده چې دغه پلاوي تر دې وړاندې د دایکندي، فراه، غور، نیمروز او هلمند ولایتونو په ګډون د بېلابېلو ولایتونو د تخنیکي او مسلکي زده کړو د مرکزونو له وضعیت څخه څارنه کړې ده.
