د تخنیکي او مسلکي زده کړو ادارې پلاوي د کندهار د مسلکي ښوونځو او انسټیټونو له آمرینو سره وکتل
کندهار ولایت ته د تخنیکي او مسلکي زده کړو ادارې استول شوي پلاوي د یاد ولایت د تخنیکي مرکزونو له آمرینو سره وکتل.
یاد پلاوي د تخنيکي او مسلکي زده کړو ادارې حرفوي برنامو د تنظیم رئيس ښاغلي عبدالودود هوتک په مشرۍ د تخنيکي مرکزونو د وضعیت د بررسي کولو په موخه کندهار ولایت ته سفر کړى دى.
د تخنيکي او مسلکي زده کړو ادارې دکندهار د مسلکي ښوونځيو او انسټیټونو له آمرینو سره د لیدنې ترڅنګ د دوی ستونزي او وړانديزونه واورېدل.
د يادونې وړ ده، چې د یاد پلاوي د سفر پر مهال د ارغنداب د ادارې او حسابدارۍ انسټیټوټ آمر ښاغلي محب الله قادري اعلان وکړ، چې د املاکو د نشتوالي د ستونزې د حل په موخه به خپله ٥٠٠ جريبه شخصي ځمکه یاد انسټیټوټ ته وقف کړم.
