د تخنیکي او مسلکي زده کړو ادارې لخوا د نابینایانو لپاره د تعلیمي کتب تألیف او تدوین
د تخنیکي او مسلکي زده کړو ادارې د ښوونیز نصاب ریاست د "(د ړندو لپاره) د لومړي ټولګي د اسلامي تعلیماتو درسي کتب تألیف او تدوین" تر سرلیک لاندې یو ورکشاپ پیل کړ.
په دې ورکشاپ کې یو شمېر استادان، متخصصین او د تعليمي نصاب کارپوهان حضور لري چې د لید معلولیت لرونکو کسانو لپاره د لومړي ټولګي د اسلامي تعلیماتو نصاب په نهایی کولو کار کوي.
د نصاب ریاست مسؤلین، درسي کتابونه د معلولیت لرونکو کسانو د زده کړې او روزنې په برخه کې خورا مهم او ارزښتناک وسیله ګڼي.
له همدې امله، نوموړي غواړي چې د نابینایانو لپاره د لومړي ټولګي د درسي کتابونو د تالیف او تدوین کار ژر تر ژره بشپړ کړي ترڅو د معلولیت لرونکو کسانو لپاره غوره زده کړییز او روزنیز چاپیریال چمتو شي.
