د تخنیکي او مسلکي زده کړو ادارې سرپرست رئیس د نیمروز له والي سره ولیدل
ښاغلي مولوي غلام حیدر شهامت د تخنیکي او مسلکي زده کړو ادارې سرپرست نیمروز ولایت ته په خپل کاري سفر کې د دغه ولایت له والي شیخ محمد قاسم خالد سره لیدنه او خبرې اترې وکړې.
د دغه خبرو اترو اصلي موخه په نیمروز ولایت کې د تخنیکي او مسلکي زده کړو مرکزونو ستونزو هوارول عنوان شوې دي.
د تخنیکي او مسلکي زده کړو ادارې سرپرست د نیمروز له والي سره په لیدنه کې د ځینې موضوع ګانو لکه د مجاهدینو د روزنې طرحه او د نیمروز ولایت د تخنیکي او مسلکي زده کړو مرکزونو د ستونزو په هکله خبرې وکړې.
ښاغلي مولوي شهامت زیاته کړه چې د مجاهدینو د زده کړو د طرحې پر بنسټ د تخنیکي او مسلکي زده کړو په مرکزونو کې د روزنې زمینه برابره شوې ده.
همداراز، د نیمروز والي د تخنیکي او مسلکي زده کړو ادارې له لوري د مجاهدینو روزنې د طرحې ستاینه وکړه.
دواړو لورو د تخنیکي او مسلکي زده کړو ادارې په مرکزونو کې د مجاهدینو د جذب د څرنګوالي په هکله خپل نظرونه شریک کړل.
