د تخنیکي او مسلکي زده کړو ادارې سرپرست د مالیزیا د "مرسي" موسسې رئیس سره وکتل
د تخنيکي او مسلکي زده کړو ادارې سرپرست مولوي غلام حيدر شهامت د ماليزيا د مرسي موسسې له رئيس عبدالله اشاري سره په خپل کاري دفتر کې وکتل.
په دې کتنه کې ښاغلي شهامت د تخنیکي او مسلکي زده کړو ادارې د موخو په اړه خبرې وکړې.
د مرسي موسسې رئیس د تخنيکي او مسلکي زده کړو ادارې د نوښت په مرکز کې جوړ شوي موټر ته په اشارې سره وويل چې له افغانستان سره د همکارۍ په اړه به د ماليزيايي موټر له شرکتونو سره خبرې وکړي.
د تخنيکي او مسلکي زده کړو ادارې سرپرست له افغانستان څخه د اسلامي هېوادونو په ځانګړې توګه د ماليزيا د ملاتړ غوښتنه وکړه.
