د تخنیکي او مسلکي زده کړو ادارې سرپرست د فراه مرکز کثیر الرشتوي انستیتوت څخه لیدنه وکړه
ښاغلي مولوي غلام حیدر شهامت، د تخنیکي او مسلکي زده کړو ادارې سرپرست فراه ولایت ته په خپل سفر کې د دغه ولایت د مرکز کثیرالرشتوي انستیتوت څخه لیدنه وکړه.
نوموړي او مل پلاوي د دغه زده کړې مرکز ټول اسناد وڅېړل، د زده کړیالانو ستونزې یې له نږدې واورېدلې. د عملي کارونو لپاره د وسایلو ، نصاب او کتابتون کموالی د دغه مرکز اساسي ستونزې ګڼل شوې دي.
د تخنیکي او مسلکی زده کړو ادارې سرپرست وویل: په پام کې ده چې د دغه ولایت په لرې پرتو سیمو کې د تخنیکي او مسلکي زده کړو مرکزونه جوړ شي.
الحاج مولوي شهامت همدارنګه د دغه مرکز د زده کړیالانو د تشویق لپاره، هغوی ته نغدې پیسې هم ورکړې.
همدا اوس د تخنیکي او مسلکي زده کړو ادارې سرپرست د دغه ادارې د يو پلاوي په رأس کې د فراه په ولایت کې دی.
له دې وړاندې هغوی د بادغیس او هرات ولایتونو د تخنیکي او مسلکی زده کړو له مرکزونو لیدنه کړې وه، او په پلان کې ده چې نورو ولایتونو ته هم سفر وکړي.
