د تخنیکي او مسلکي زده کړو ادارې سرپرست د فراه له والي سره ولیدل
د ښاغلي مولوي غلام حیدر شهامت په مشرۍ د تخنیکي او مسلکي زده کړو ادارې پلاوي د فراه ولایت له والي سره لیدنه او خبرې اترې وکړې.
په دغه لیدنه کې دواړو لورو، د تخنیکي او مسلکی زه کړو مرکزونو د اړتیاو پوره کولو او ستونزو په حل بحث وکړ.
د تخنیکي او مسلکی زده کړو ادارې سرپرست د ناستې په پیل کې د تخنیکي او مسلکي زده کړو ادارې په هکله توضیحات ورکړل، او د دغه ادارې د لاسته راوړنو په هکله یې خبرې وکړې.
نوموړي د تخنیکي او مسلکی زده کړو ادارې د نوښتونو په مرکز کې جوړ شوي موټر ته په اشارې سره وویل چې دغه اداره د هېواد په پرمختګ او ځان بساینه کې خورا مهم رول لري.
همدارنګه ښاغلي مولوي شهامت د مجاهدینو د طرحې یادونه هم وکړه، زیاته یې کړه چې د دغه طرحې پر بنسټ مجاهدینو ته د زده کړې فرصتونه برابریږي.
له بلې خوا، مولوي غوث الدین رهبر، د فراه والي د تخنیکي او مسلکی زده کړو ادارې د لاسته راوړنو او پروګرامونو ستاینه وکړه، او په یاد ولایت کې د مجاهدینو طرحې د پلي کولو په هکله یې ډاډ ورکړ.
نوموړي زیاته کړه چې د هېواد په پرمختګ کې د تخنیکي او مسلکی زده کړو ادارې رول ډېر مهم او اړین دی، او پاید په ټولو برخو کې د دغه زده کړو ملاتړ وشي.
