د تخنیکي او مسلکي زده کړو ادارې رهبري غونډه ترسره شوه!
د تخنیکي او مسلکي زده کړو ادارې د رهبرۍ غونډه د دغه ادارې سرپرست مولوی غلام حیدر شهامت په مشرۍ او د مرستیالانو او رئیسانو په حضور کې ترسره شوه.
په غونډه کې د۱۴۰۱ مالي کال پر پلان، د ښوونکو او کارکوونکولپاره د تحصیلي بورسونو پر کړنلاره، د ټرانسپورټ لایحو باکتنه او ادارې ته د غصب شویو ملکیتونو د بیرته ورکولو په اړه بحث وشو.
پلان او پالیسۍ رئیس روح الله شفیق د ۱۴۰۱ کال مالي پلان په اړه معلومات وړاندې او ګډونوالو خپل نظرونه شریک کړل.
د غونډې ګډونوالو همدا راز ټینګار وکړ چې د تخنیکي او مسلکي زده کړو ادارې د استادانو او کارکوونکو لپاره دې د تحصیلي بورسونو کړنلاره ژر تر ژره نهايي شي.
په همدې ډول د املاکو او خدماتو ریاست ته دنده وسپارل شوه چې د غونډې د پریکړه لیک له مخې د ترانسپورت لایحو بیاکتنه وکړي.
د غصب شویو ملکیتونو په اړه د املاکو او خدماتو ریاست ته دنده وسپارل شوه چې په دې برخه کې د قانون په رڼا کې کړنې ترسره کړی.
د تخنيکي او مسلکي زده کړو ادارې رئيس مولوی غلام حيدر شهامت غونډه وکړه او مسوولينو ته يې لارښوونه وکړه، چې د غونډې پرېکړې تعقيب او عملي کړي.
د تخنيکي او مسلکي زده کړو ادارې رئيس مولوی غلام حيدر شهامت د غونډه په پای کې چارواکو ته يې لارښوونه وکړه، چې د غونډې پرېکړې تعقيب او عملي کړي.
ښاغلي شهامت د تخنيکي او مسلکي زده کړو ادارې د غصب شويو جايدادونو د بېرته راستنېدو په اړه ټينګار وکړ، چې دا موضوع دې لومړى له قانوني لارو چارو مخ ته یوړل شی او که نه نو د زور په کارولو سره دې د کورنيو چارو وزارت ته راجع شي.
