د تخنیکي او مسلکي زده کړو ادارې د کابل د ښځینه ادارې او حسابدارۍ له انسټیټوټ څخه لیدنه وکړه!
د تخنيکي او مسلکي زده کړو ادارې مشر مولوی غلام حيدر شهامت د کابل د ښځینه ادارې او حسابدارۍ له انسټیټوټ څخه ليدنه وکړه.
نوموړې د دغه لیدنې په ترڅ کې د کابل د ښځینه ادارې او حسابدارۍ انسټیټوټ له اداري څانګو څخه لیدنه وکړه او د دغه انسټیټوټ امکانات او تجهیزات یې وارزول.
د انسټيټوټ امر آغلې خجسته کريمي د اداري کارکوونکو کمښت او د اوبو کمښت ستونزو څخه یاد کړل. هغه د ښځینه ادارې او حسابدارۍ د انسټیټوټ شاوخوا دیوال د بیا رغولو غوښتنه وکړه.
د تخنيکي او مسلکي زده کړو رئيس ژمنه وکړه، چې ټولې ستونزې او اړتياوې به د ادارې له وړتیا سره سم حل کړي.
