د تخنیکي او مسلکي زده کړو ادارې د اکاډمیکو چارو د انسجام بورډ غونډه د دغه ادارې د ځان بسیاینې طرحې په اړه ترسره شوه
د تخنيکي او مسلکي زده کړو ادارې د اکاډمیکو چارو د انسجام بورډ غونډه د تخنيکي او مسلکي چارو مرستيال مولوي غلام سعيد احساس په مشرۍ او د دغه ادارې د رئيسانو په حضور کې ترسره شوه.
په دغه غونډه کې د تخنیکي او مسلکي زده کړو ادارې د ځان بسیاینې طرحه وړاندې شوه.
په دغه طرحه کې د تخنیکي او مسلکي زده کړو په مرکزونو کې د ښوونیزو خدمتونو د وړاندې کولو ترڅنګ د تولیدي او خدماتي برنامو د پلي کولو هڅه کیږي.
مولوي غلام سعید احساس وویل، د تخنیکي او مسلکي زده کړو اداره د خپلو موخو له مخې باید د اسلامي امارت د نظام په پیاوړتیا او ملاتړ کې اساسي رول ولوبوي.
ښاغلي احساس وویل چې وړاندې شوی طرحه یوه مسوده ده چې باید غني شي.
د غونډې برخه والو هم د دغه طرحې په اړه خپل نظرونه وړاندې کړل.
