د تخنیکي او مسلکي زده کړو ادارې د اجرائیه مدیرانو لپاره د ظرفیت لوړولو پروګرام ترسره شو
د تخنیکي او مسلکي زده کړو ادارې د کارکوونکو چارو ریاست ددې ادارې مرکزي هستې اجرائيه مدیرانو لپاره د پاور پاینټ سافټویر په برخه کې یو پرمختللی روزنیز پروګرام ترسره کړ.
په دې پروګرام کې ۱۷ تنه اجرائیه مدیرانو برخه اخیستې چې د ۳۰ کاري ورځو په اوږدو کې به د پاورپواینټ د اغیزمنې کارونې اړوند اړین او کاربردي موضوعاتو په اړه روزنه ترلاسه کړي.
اجرائيه مدیرانو هم د دې پروګرام څخه هرکلی وکړ او ټینګار یې وکړ چې دا ډول روزنیز پروګرامونه به د هغوی د کاري مهارتونو په لوړولو او د ورځني اداري چارو په اسانه کولو کې مهم رول ولوبوي.
د کارکوونکو چارو ریاست د مسؤلینو په وینا، د دې پروګرام د ترسره کیدو موخه مدیرانو د ډیجیټل مهارتونو لوړول، د اداري اسنادو په چمتو کولو کې دقت او د ګزارشاتو د وړاندې کولو په برخه کې د اسانتیا برابرول دي.
