د تخنيکي او مسلکي زده کړو له ادارې سره د چينايي شرکت همکاري
د تخنيکي او مسلکي زده کړو ملي ادارې د خدماتو او املاکو رياست د تخنيکي او مسلکي زده کړو ادارې د ساختمان د ترميمولو او رنګولو په اړه د چين بلاعوض مرستو شرکت سره توافق وکړ.
د تخنيکي او مسلکي زده کړو ملي ادارې د املاکو او خدماتو له رئيس عبدالمطلب انصار سره په کتنه کې د چين بلاعوض مرستو شرکت ژمنه وکړه چې د یادې ادارې د ساختمان بېلابېلې برخې به ترميم او رنګ کړي.
تر دې مخکې د دغه چينايي شرکت مسوولينو د تخنيکي او مسلکي زده کړو ادارې له مشرتابه سره په کتنو کې له یادې ادارې سره د همکارۍ ډاډ ورکړى دى.
