د تخنيکي او مسلکي زده کړو رئيس د کابل له کڼو مسلکي ليسې څخه ليدنه وکړه!
د تخنيکي او مسلکي زده کړو مشر مولوي غلام حيدر شهامت او ورسره پلاوي د کابل له کڼو مسلکي لېسې څخه ليدنه وکړه.
نوموړي د دې لېسې اداري او تدریسي اسانتیاوې وارزولې.
د کڼو مسلکي لېسې امر عبدالمقیم حلیمي، تخنیکي او مسلکي زده کړو ادارې رهبرۍ ته د دغه لېسې د ستونزو وړاندې کړی.
ښاغلي حليمي د څښاک د اوبو کمښت، د درسي کتابونو کمښت او د خامو موادو کمښت د کاڼو مسلکې لېسې له اړتياوو څخه ياد کړل.
هغه زياته کړه، چې د لېسې يوه برخه ځمکه په تېر حکومت کې د ځايي خلکو او زورواکو له خوا غصب شوې دی.
د کڼو مسلکي لېسې امر لېسې د ودانۍ بیارغونې غوښتنه وکړه.
د تخنيکي او مسلکي زده کړو رئيس د يادې لېسې د مسوولينو ستونزې او وړانديزونه واورېدل او ژمنه يې وکړه، چې د دې ادارې د وړتیا له مخې به شته ننګونې حل کړي.
د کڼو مسلکې لېسې کې څه باندې ۴۰۰ نارینه او ښځینه زده کوونکي په زده کړو بوخت دي. د دغه لېسې زده کوونکي تر نهم ټولګي پورې عمومي زده کړې کوي او له لسم څخه تر دوولسم ټولګي پورې د نقاشۍ او خیاطۍ په برخو کې روزل کېږي.
