د تخنيکي او مسلکي زده کړو ادراې پلاوي د کندهار د اقتصاد له رئیس سره وکتل
د تخنيکي او مسلکي زده کړو ادارې پلاوي کندهار ته د خپل سفر په ترڅ کې د یاد ولايت د اقتصاد له رئيس عبدالسلام بريالي سره وکتل.
په دې کتنه کې د دواړو ادارو ترمنځ د همکاريو په اړوند خبرې وشوې.
د تخنيکي او مسلکي زده کړو ادارې د حرفوی برنامو د تنظیم رئيس عبدالودود هوتک د کندهار له اقتصاد ریاست څخه وغوښتل چي د سوداګرو د همکارۍ د جلبولو په موخه د کندهار د تخنيکي او مسلکي زده کړو له مرکزونو سره همکاري وکړي.
د کندهار د اقتصاد رئيس د تخنيکي او مسلکي زده کړو له مرکزونو سره د همکارۍ ډاډ ورکړ.
