د تخنيکي او مسلکي زده کړو ادارې پلاوي نيمروز ولايت ته سفر وکړ
د تخنيکي او مسلکي زده کړو ادارې د تخنیکي او مسلکي چارو مرستيال مولوي غلام سعيد احساس په مشرۍ د یادې ادارې څخه يوه پلاوي نيمروز ولايت ته سفر وکړ.
یاد پلاوي د نیمروز ولایت مرکز اړوند زرنج تخنیکي لېسې له ټولو کاري چارو او تحصیلي اسنادو څخه څارنه وکړه.
دا په داسې حال کې ده چې دغه پلاوى به د نيمروز ولايت له تخنيکي او مسلکي زده کړو مرکزونو څخه ليدنه او د یادو مرکزونو ستونزو او ننګونو ته رسیدګي وکړي.
تر دې وړاندې دغه پلاوي غور، دایکندي، بامیان او فراه ولایتونو ته هم سفرونه کړي او یادو ولایتونو ته د سفر په ترڅ کې یې د تخنیکي او مسلکي زده کړو له مرکزونو څخه لیدنه کړې ده.
