د تخنيکي او مسلکي زده کړو ادارې پلاوي د کندز ولایت له والي سره ناسته ترسره کړه
د تخنيکي او مسلکي زده کړو ملي ادارې مالي او اداري مرستيال مفتي فضل الرحمن فاضل د یادې ادارې د يوه پلاوي په مشرۍ کندز ولايت ته د سفر په ترڅ کې د کندز ولايت له والي ښاغلي ملا نثار احمد نصرت سره وکتل.
په دې کتنه کې مفتي فاضل د تخنیکي او مسلکي زده کړو ملي ادارې د موخو او په کندز ولايت کې د تخنيکي او مسلکي زده کړو د مرکزونو د ستونزو په اړه خبرې وکړې.
په همدې حال کې د کندز والي د تخنيکي او مسلکي زده کړو ملي ادارې د وروستيو فعاليتونو او لاسته راوړنو ستاينه وکړه او ژمنه يې وکړه چې په دغه ولايت کې د تخنيکي او مسلکي زده کړو د مرکزونو د ستونزو په هواري کې به د تخنیکي او مسلکي زده کړو له مسؤلینو سره همکاري وکړي.
