د تخنيکي او مسلکي زده کړو ادارې سرپرست سمنګان ولايت ته سفر وکړ
د تخنيکي او مسلکي زده کړو ادارې سرپرست مولوي غلام حيدر شهامت د سمنګان ولايت د تخنيکي او مسلکي زده کړو د مرکزونو د وضعیت د بررسی دوام په موخه سفر وکړ.
له ښاغلي شهامت سره په دغه سفر کې د تخنیکي او مسلکي زده کړو ادارې یو پلاوی ملتیا کوله.
دوی په سمنګان ولایت کې د تخنیکي او مسلکي زده کړو د مرکزونو وضعیت بررسي کړ.
د تخنيکي او مسلکي زده کړو ادارې سرپرست هم د یاد ولايت د محصلينو له لاسته راوړنو او نوښتونو څخه ليدنه وکړه.
د تخنیکي او مسلکي زده کړو د مرکزونو مسوولینو او محصلینو خپلې اړتیاوې او ستونزې د تخنیکي او مسلکي زده کړو ادارې له پلاوي سره شریکې کړې.
مولوي غلام حیدر شهامت په سمنګان ولایت کې د تخنیکي او مسلکي زده کړو د مرکزونو د اړتیاوو ته د رسیدګی ترڅنګ؛ نوموړي د ځينو مسايلو په اړه تخنيکي آمرینو ته لازمې لارښوونې وکړې.
په پام کې ده چې مولوي شهامت د تخنیکي او مسلکي زده کړو د مرکزونو د وضعیت د کتلو لپاره نورو ولایتونو ته هم سفر وکړي.
