د بلخ ولایت د انجنیرۍ انسټيټوټ او د تخنیکي او مسلکي زده کړو د اکاډمۍ د محصلینو فراغت غونډه جوړه شوه
د بلخ ولایت اړوند د مراز شریف تخنیکي او مسلکي زده کړو اکاډمۍ او د انجینرۍ انسټيټوټ له ښوونیزو مرکزونو څخه د ۶۰ تنو محصلینو د فراغت په مناسبت د یو لړ مراسمو په ترڅ کې فراغت غونډه ترسره شوه.
دغه مراسم د تخنيکي او مسلکي زده کړو آمریت د مسوولينو، سيمه ييزو چارواکو، قومي مشرانو او د محصلینوو د والدينو په ګډون سره ترسره شول.
په دې مراسمو کې ويناوالو د اسلام له نظره د تخنيکي او مسلکي زده کړو د اهميت او جایګاه په اړه خبرې وکړې او ځوانان يې د دې زده کړو تعلیم او زده کړې ته وهڅول.
د مراسمو په پای کې فارغ شويو محصلینو ته ستاینلیکونه ورکړل شول او مراسم په دعایې سره پای ته ورسېدل.
