د بلخ د تخنیکي او مسلکي زده کړو آمریت میاشتنۍ غونډه ترسره شوه
د بلخ ولایت د تخنیکي او مسلکي زده کړو آمریت میاشتنۍ غونډه د یاد ولایت د مسلکي ښوونځیو او انسټیټونو د آمرینو په حضور کې ترسره شوه.
په یاده غونډه کې د مسلکي ښوونځیو او انسټیټونو آمرینو د خپلو کړنو د څرنګوالې په اړه مفصل راپور وړاندې کړ.
په دې کتنه کې د بلخ د مسلکي لېسو او انسټیټونو پر ستونزو او اړتیاوو هم خبرې وشوې.
ورپسې د اجنډا سره سم د عامه پوهاوي د اغیزمنو فعالیتونو، د ورکشاپ د سپارښتنو د تطبیق د څرنګوالي په اړه چې څو ورځې وړاندې په کابل کې جوړ شوی و، د ټولو کارکوونکو لپاره د هویت کارتونو د جوړولو په اړه خبرې وشوې او په دې اړه لازم تصمیمونه ونیول شول.
