د انرژی او اوبو انسټیټوټ د یو شمیر زده کړیالانو پرکتیک دوره پای ته ورسیده
د کابل د انرژی او اوبو انسټیټوټ د اوبو د سرچینو انجینرۍ څانګې پنځو تنو زده کړیالانو د انرژی او اوبو وزارت په بېلا بېلو ریاستونو کی خپلې عملي زده کړي په بریالیتوب سره بشپړ کړي.
هغوي د پنځو اونیو په بهیر کې، د اوبو د سرچینو انجنیري تجهیزاتو او لابراتوارونو کارولو مهارتونه زده کړل.
یادو زده کړیالانو د اوبو د انتقال د بندونو او د اوبو رسولو د شبکو په ګډون د پروژو د طرحې سره آشنا شول.
د انرژۍ او اوبو انسټیټوټ د زده کړیالانو لپاره د عملي کار د زمینې برابرولو په موخه له دولتي او خصوصي بنسټونو سره یو هوکړه لیک لاسلیک کړ.
د تخنیکي او مسلکي زده کړو په مرکزونو کې تر ۶۰٪ سلنې زیاتې زده کړې عملي دي. ترڅو د یادو مرکزونو زده کوونکي او زده کړیالان له دغو مرکزونو څخه تر فراغت وروسته په مستقیم ډول د کار په بازار کې جذب شي.
